ЗэIукIэм хэлэжьэщтхэм апай

ШIэныгъэ зэIукIэм ухэлэжьэным пае чъэпыогъум и 20-м 2019-рэ илъэсым блэмыкIэу интернет сайтэу ala2019.adygnet.ru  зыщыбгъэнэфэн фае.

Хэлэжьэщтхэм ятезисхэр чъэпыогъум и 25-рэм 2019-рэ илъэсым нэс сайтым къытырэ нэкIубгъом къыпыплъхьан фае, зэхахьэ ужым ахэр къыдагъэкIыщтых.

ШIэныгъэ зэIукIэм къеблэгъэщтхэр Адыгэ къэралыгъо университетым иунэ шъхьаIэ пэмычыжьэу къэлэ хьакIэщхэм къащыуцунхэу амал яIэщт, зэрэщыIэщтым текIодэщт ахъщэр зэхэщэкIо купым ыпшъэ релъхьажьы.

Тезисхэр зэрэбгъэпсыщтым ишапхъ:

1. Текстыр MS WORD «Times New Roman», А4 шъуашэм илъэу, хьарыфым иинагъэр — 14, зэфагум къыдафэрэр 1,5-рэ. 

2.  Текстым ыпэкIэ итыр:

– статьям ышъхь, хьарыф инхэмкIэ, шIуцIэу къыхэгъэщыгъэу, ыгузэгу итын фае (адыгабзэк1и инджылызыбзэкIи);

– лъэкъуацIэр, ц1эр, зыщылэжьэрэ чIыпIэм ыцI, къалэр, къэралыгъор, IэнатIэр, шIэныгъэ степеныр, адресыр, телефоныр ыкIи e-mail къэоты (адыгабзэк1и инджылызыбзэкIи);

– статьяр къызтегущыIэрэр кIэкIэу, сатыри 10-15 мынахьыбэу (адыгабзэк1и инджылызыбзэкIи);

– гущыIэ шъхьаIэхэр (5-10) (адыгабзэк1и инджылызыбзэкIи).

3. Статьям хэт сурэтхэр .jpg форматым илъынхэ фае, текстым хэтэу къэтыгъэх ыкIи зэкIэлъыкIуакIэу яIэр ышъхьагъ тетхагъ.

4. Статьям итекст тэрэзэу гъэпсыгъэн фае, ушэтыным имурад, шIыкIэ-екIолIакIэу щыгъэфедагъэхэр, зэфэхьысыжьхэр, кIэухыр. Статьяр ыпэкIэ нэмыкI шIэныгъэ тхылъ е журнал къадэмыхьагъэу щытын фае.

5. Ссылкэу къыхафэхэрэр цитатэу къэтыгъэм ыуж скобкэхэм адэтэу щытын фае: ыпэ рапшIэу цитатэр къызхэхыгъэ тхылъым иномер, нэужым нэкIубгъор къаты. ГущыIэм пае,  [10: 81], е , нэкIубгъуитIу зэдеубытымэ  [10: 81-82].

6. Бгъэфедэгъэ литературэр статьям ыужкIэ къыщэоты, шъхьэу «Литература»  фэшIыгъэу.

УпчIалъэр

ЛъэкъуацIэр
Ц1эр
Ятэ ыц1эр
IэнатIэр, зыщылэжьэрэ чIыпIэр
(къэралыгъор, къалэр, районыр, гъэIорышIапIэу
зыщылажьэрэм ыцIэ зэхэугуфыкIыгъэу)
ШIэныгъацIэр (уиIэмэ)
Докладым ышъхь
Телефоныр
E-mail